Liverpool sar l-ewwel team fl-istorja tal-football Ingliż li rebaħ 2,000 logħba fil-football Ingliż wara r-rebħa ta’ 3-1 fuq Newcastle United.
It-team immexxi minn Jurgen Klopp sofra goal kmieni minn Newcastle grazzi għal Jonjo Shepey f’anfield, imma fi żmien 20 minuta huma qalbu l-logħba favurihom b’żewġ goals veloċi.
Diogo Jota ġab l-iskor indaqs b’mod kemmxejn kontroversjali biex ra lil Liverpool iwaaqfu rekord ġdid tal-club ta’ kull żmien billi skorjaw għal 32 logħba konsekuttiva.
Mohamed Salah imbagħad stabbilixxa rekord ieħor erba’ minuti biss wara, li kien dak li kkontribwixxa direttament għall-goal għall-15-il logħba tal-Premier League suċċessiva suċċessiva billi skorja l-15-il goal tiegħu tal-istaġun – xi ħaġa li Jamie Vardy biss kien irnexxielu jagħmel qabel.
Liverpool komplew jiddominaw il-pussess u skorjaw it-tielet goal permezz ta’ goal mill-isbaħ ta’ Trent Alexander-Arnold.
Din kienet l-2,000 ta’ Liverpool fil-Premier League – rekord bla preċedent fil-football Ingliż u fatt li r-Reds damu 4,227 logħba biex jilħqu.
Ir-rekord tal-MerseySiders jinkludi wkoll 1,047 draw u 1,180 telfa, filwaqt li Klopp laħaq ukoll il-150 rebħa tiegġu fil-Premier League bħala manager tal-club, fejn laħaq dan it-tragward fi 12-il logħba inqas minn Sir Kenny Dalglish.
Liverpool, li kienu mingħajr Virgil Van Dijk, Fabinho u Curtis Jones minħabba li jinsabu nfettati bil-Coronavirus, jisnabu punt biss taħt il-leaders Manchester City fil-klassifika tal-Premier League wara din ir-rebħa kontra l-Magpies.
