Liverpool identifikaw lill-playmaker ta’ Roma, Nicoló Zaniolo, bħala mira potenzjali għat-trasferiment tas-sajf.
Il-ġganti ta’ Merseyside diġà jidhru maħżuna tajjeb għall-istaġun li ġej, bil-prospett ta’ Fulham Fabio Carvalho mistenni jsegwi lil Luis Diaz u jmur jilgħab f’Anfield għall-istaġun 2022-23.
Madankollu, tlieta mill-attakkanti tagħhom – Sadio Mane, Mohamed Salah u Roberto Firmino – ilkoll fadlilhom biss 16-il xahar u nofs fil-kuntratt tagħhom.
Huwa mifhum li Liverpool jistgħu jiċċaqilqu għal Zaniolo jekk iċedu wieħed minn dawn it-tliet attakkanti ta’ esperjenza fit-tmiem l-istaġun.
Iż-żagħżugħ ta’ 22 sena, li kien imxekkel minn injuries sinifikanti aktar kmieni fil-karriera tiegħu, beda 19-il partita fis-Serie A dan l-istaġun, u skorja biss żewġ goals u pprovda assist wieħed.
Qed jingħad ukoll li Juventus u Atletico Madrid qed isegwu s-sitwazzjoni tiegħu mill-qrib, bl-internazzjonali Taljan ikollu biss kuntratt fi Stadio Olimpico sal-2024.
