Liverpool għelbu bosta clubs biex irnexxielhom jiffirmaw lill-attakkant internazzjonali Kolumbjan ta’ FC Porto, Luis Diaz.
Il-player ta’ 25 sena għażel lil Liverpool minħabba li jilagħbu l-istil tiegħu. Huwa jilgħab fuq ix-xellug iżda kapaċi wkoll jilgħab fin-nofs fejn l-attakk tar-Reds issa jista’ jkun kompost minn Diogo Jota bħala attakkant pur, b’warajh ikun hemm Mohamed Salah (lemin), l-istess Diaz (fin-nofs) u Sado Mane (xellug).
Liverpool ħallsu £37.5 miljuni bi spejjeż addizzjonali u bonuses oħra li jistgħu jitilgħu sa £50 miljun.
Huwa mistenni jingħata n-numru 7 … li qabel kien jintlibes mil-leġġendarji Kevin Keegan, Kenny Dalglish, Steve McManaman u Luis Suarez fost oħrajn.