Liverpool laħqu ftehim biex jiffirmaw lill-istilla ta’ Fulham, Fabio Carvalho, dan is-sajf.
Ir-Reds kienu ferm viċin li jassiguraw il-firma taż-żagħżugħ ta’ 19-il sena fil-jum tal-iskadenza tat-trasferiment f’Jannar, iżda l-burokrazija ma setgħetx titlesta fil-ħin.
Liverpool dejjem kienu mistennija li jmorru lura għal Carvalho fis-sajf, u huwa mifhum li ftehim biex iġib lill-player żagħżugħ f’Anfield issa huwa lest.
Carvalho qabel ma’ kuntratt ta’ ħames snin f’Anfield sas-sajf tal-2027, u t-testijiet mediċi tiegħu diġà tlestew bil-permess ta’ Fulham.
Liverpool mistennija jħallsu ħlas bil-quddiem ta’ £5 miljun għal Carvalho, li jista’ jitla’ għal £7.7m b’bonuses relatati mal-prestazzjoni, u Fulham se jirċievu 20% ta’ kull bejgħ fil-futur.
Carvalho skorja seba’ goals u pprovda seba’ assists f’29 partita taċ-Championship għal Fulham dan l-istaġun, u x-xahar id-dieħel se jsir avviż uffiċjali dwar l-akkwist tiegħu.
