Liverpool laħqu ftehim ma’ Benfica biex jiffirmaw lill-attakkant internazzjonali Urugwajan, Darwin Nunez, għal £68 miljun. It-taħditiet għadhom għaddejjin hekk kif iċ-ċifra tista’ titla’ sa’ £85 miljun li tinkludi bonuses skond id-dehriet u l-unur li jirbaħ il-player.
Nunez irtira mill-iskwadra tal-Urugwaj li nhar is-Sibt għelbet lil Panama bl-iskor ta’ 5-0 hekk kif nhar it-Tnejn mistenni jasal Liverpool biex isirlu t-test mediku … fejn it-Tlieta mistenni li jiffirma kuntratt ta’ ħames snin.
