Liverpool qed jippjanaw li joffru kuntratt ġdid lil Joe Gomez dan is-sajf.
Id-difensur tħabat biex ikun utilizzat b’mod regolari s’issa dan l-istaġun, wara li Joel Matip u Ibrahima Konate ħadulu postu fid-difiża ċentrali tat-team minn Anfield.
Gomez kien membru ewlieni tat-team li rebaħ it-titlu ta’ Liverpool fl-istaġun 2019-20, iżda sofra injury serja fl-irkoppa l-istaġun li għadda u s’issa ma setax jerġa’ lura fil-pjanijiet tal-ewwel team ta’ Jurgen Klopp fuq bażi regolari.
Il-player ta’ 24 sena beda biss tliet logħbiet tal-Premier League l-istaġun kollu u deher biss seba’ darbiet b’kollox fil-Premier League, u dan wassal għal spekulazzjoni dwar il-futur fit-tul tiegħu fil-club.
Fulham li għadhom kif ġew promossi għall-Premier league miċ-Championship ġew marbuta ma’ trasferiment tas-sajf għalih, filwaqt li Tottenham Hotspur ukoll ġew ikkreditati b’interess fih fil-passat.
