Liverpool ippreparaw lilhom infushom biex jagħmlu offerta ta’ £38 miljun lil Villarreal għall-winger Arnaut Danjuma.
L-għażliet ta’ attakk ta’ Jurgen Klopp tnaqqsu b’mod sinjifikanti b’Mohamed Salah u Sadio Mane jitilqu biex jilagħbu fit-Tazza tan-Nazzjonijiet tal-Afrika dan ix-xahar, filwaqt li Roberto Firmino huwa barra minħabba l-coronavirus u Divock Origi jinsab ukoll barra mill-azzjoni b’injury fl-irkoppa.
Danjuma ngħaqad biss ma’ Villarreal mingħand Bournemouth fis-sajf iżda diġà ħalla l-marka tiegħu fit-team ta’ Unai Emery, fejn skorja disa’ goals fi 18-il dehra fil-kompetizzjonijiet kollha dan l-istaġun.
Huwa mifhum li Liverpool mhux se jagħmlu l-ebda akkwist ġdid dan ix-xahar iżda r-Reds huma lesti li jagħmlu offerta biex Danjuma jsaħħaħ l-iskwadra tagħhom.
Villarreal aktarx se jkunu reżiljenti mal-pożizzjoni tagħhom dwar is-sitwazzjoni ta’ Danjuma, jiġifieri li l-club Spanjol ma jridx ibigħ lill-player ta’ 24 sena, iżda Klopp huwa maħsub li hu ħerqan li jassigura l-firma tal-internazzjonali Olandiż.
Danjuma għandu kuntratt fit-tul ma’ La Ceramica li jibqa’ għaddej sal-2026, u b’hekk Villarreal għandhom saħħa qawwija fuq il-winger.
