Liverpool ippreżentaw lill-attakkant internazzjonali Urugwajan, Darwin Nunez, wara li akkwistawh mingħand Benfica għal £85 miljun.
Huwa ffirma kuntratt ta’ sitt snin b’salarju ta’ £140,000 fil-ġimgħa.
Nunez sostna li minkejja li bosta clubs madwar l-Ewropa kienu qed jiġru wara l-firma tiegħu, ladarba Liverpool u Jurgen Klopp urew interess fis-servizzi tiegħu ma kellu l-ebda dubju ma min kien se jingħaqad. Barra minn hekk huwa jinsab ħerqan li jilgħab quddiem il-partitarji tar-Reds li huma l-aqwa fl-Ewropa.
Barra minn hekk huwa sostna li jrid jgħin lit-team biex jirbaħ aktar unuri.
