Liverpool mhumiex fit-tellieqa biex jiffirmaw lil Kylian Mbappe bi free transfer mingħand Paris Saint-Germain.
L-attakkant rebbieħ tat-Tazza tad-Dinja tal-2018 qed jispiċċa l-aħħar ftit xhur tal-ftehim tiegħu fil-Parc des Princes u jidher lest li jħalli lil PSG bħala free agent fit-tieqa tat-trasferimenti tas-sajf li ġej.
Real Madrid ilhom jitqiesu bħala l-favoriti għall-firma ta’ Mbappe, u l-Los Blancos huma maħsuba li huma kunfidenti dwar iċ-ċansijiet tagħhom li jiksbu ftehim għalih.
Liverpool ukoll ġew marbuta ma’ offerta għall-player ta’ 23 sena, huma issa mhux mistennija jiffirmawh fis-sajf.
Huwa mifhum li Real Madrid issa huma l-unika destinazzjoni realistika għal Mbappe jekk jitlaq lil PSG, b’Barcelona u lanqas Manchester City ma jinsabu fit-tellieqa għas-servizzi tiegħu.
Mbappe irreġistra 22 goal u 16-il assist fi 33 dehra għat-team immexxi minn Mauricio Pochettino f’dan l-istaġun u dan l-aħħar afferma li għadu jrid jieħu deċiżjoni dwar il-futur tiegħu.
