Liverpool mhux qed jippjanaw li jagħmlu offerta għal Denis Zakaria ta’ Borussia Monchengladbach minkejja l-ispekulazzjoni riċenti dwar il-midfielder.
Il-kuntratt tal-player ta’ 25 sena mal-club Ġermaniż tiegħu għandu jiskadi fl-aħħar ta’ Ġunju, u kien hemm suġġerimenti li jista’ jitlaq fi ftehim bi prezz imnaqqas qabel tmiem it-tieqa tat-trasferimenti ta’ Jannar.
Liverpool kienu fost dawk favoriti għall-internazzjonali tal-Iżvizzera, bir-Reds kienu maħsuba quddiem Manchester United fit-tellieqa għall-firma tiegħu.
Madankollu, it-team immexxi minn Jurgen Klopp m’għandu l-ebda interess li jġib lill-Iżvizzeru f’Anfield qabel tmiem it-tieqa tat-trasferimenti tax-xitwa.
Ir-ritorn fl-azzjoni ta’ numru ta’ midfielders tal-ewwel team ifisser li l-club mhux qed jippjana li jakkwista player ieħor f’dik iż-żona tal-ground dan ix-xahar.
Zakaria – marbut ukoll ma’ Bayern Munich u Borussia Dortmund – skorja żewġ goals u rreġistra assist wieħed fi 18-il dehra f’livell ta’ club matul l-istaġun 2021-22.
