Liverpool għadhom mistennija jiffirmaw lill-midfielder ta’ Fulham, Fabio Carvalho, matul it-tieqa tat-trasferimenti tas-sajf.
Wara diskussjonijiet twal nhar it-Tnejn, kien hemm avvanz fid-diskussjonijiet ftit sigħat qabel l-iskadenza tat-trasferiment, b’Liverpool aċċettaw li jixtru l-playmaker u jisilfuh lura mill-ewwel lil-leaders taċ-Championship fl-Ingilterra.
Madankollu, fl-aħħar mill-aħħar għadda ż-żmien, li ħalla lil Liverpool mingħajr player li identifikaw bħala wieħed għall-futur u lil Fulham f’riskju li jitilfu wieħed mill-players l-aktar apprezzati tagħhom bi free transfer fi tmiem l-istaġun.
Il-clubs u l-player jibqgħu bl-intenzjoni li l-istess trasferiment iseħħ fis-sajf, u hemm għażla fejn iż-żewġ timijiet jistgħu jipproċedu bil-ħlas li qablu nhar it-Tnejn.
Dan x’aktarx li jixraq lill-partijiet kollha, b’Liverpool attenti minn tribunal li jistabbilixxi somma ogħla u Fulham konxji li clubs barranin xorta jistgħu jżommu taħditiet maż-żagħżugħ ta’ 19-il sena dwar free transfer.
Real Madrid kienu marbuta ma’ Carvalho fil-passat, bil-Los Blancos jingħaqdu ma’ Liverpool fejn kienu impressjonati bil-wirjiet tal-prospett żagħżugħ tal-Cottagers.
