Liverpool qed iqisu li jagħmlu offerta doppja għaż-żewġ players ta’ Hoffenheim, Christoph Baumgartner u David Raum, fis-suq tat-trasferimenti tas-sajf.
It-team immexxi minn Jurgen Klopp għadu qed jiġġieled għas-suċċess fuq erba’ fronti dan l-istaġun wara li kiseb post fil-finali taċ-Champions League b’rebħa eċċitanti fuq Villarreal nhar it-Tlieta.
Ir-Reds diġà rebħu l-EFL Cup u għaddew għall-finali tal-FA Cup – fejn ix-xahar id-dieħel jiltaqgħu ma’ Chelsea – iżda Manchester City għadhom punt minn fuq fil-quċċata tal-klassifika tal-Premier League.
Jidher li wara li jintemm dan l-istaġun, Liverpool se jkunu qed jevalwaw bosta affarijiet fosthom is-sitwazzjoni tal-kuntratt ta’ Mohamed Salah għad trid tiġi solvuta, filwaqt li difensuri bħal Joe Gomez u Kostas Tsimikas it-tnejn qed jissemmew li tabilħaqq jistgħu iħallu l-club fis-sajf.
