Liverpool u Chelsea t-tnejn huma interessati li jiffirmaw lill-attakkant ta’ Angers, Mohamed-Ali Cho, matul it-tieqa tat-trasferimenti ta’ dan is-sajf.
Iż-żagħżugħ ta’ 18-il sena kien player regolari għall-club tiegħu tal-Ligue 1 matul l-istaġun 2021-22, fejn għamel 26 dehra fl-ogħla diviżjoni ta’ Franza, u skorja żewġ goals fil-proċess.
Cho fadallu biss ftit aktar minn 12-il xahar fil-ftehim attwali tiegħu, madankollu, u kien hemm għadd ta’ spekulazzjonijiet madwar il-futur tiegħu qabel is-suq tas-sajf.
Liverpool u Chelsea t-tnejn qed juru interess fiż-żagħżugħ, li rrappreżenta lil Everton bejn l-2015 u l-2020 qabel ingħaqad ma’ Angers.
RB Leipzig, Borussia Dortmund, AC Milan u Atletico Madrid ukoll qed iżommu ħarsithom mill-qrib fuq l-iżviluppi madwar il-futur tal-attakkant.
Cho, li sab ix-xibka darbtejn fi tliet dehriet għat-team nazzjonali ta’ Franza ta’ taħt id-19-il sena, jista’ potenzjalment ikun disponibbli bi ħlas ta’ madwar £20 miljun dan is-sajf.
