Se tkun qed tintlagħab Testimonial Match għal Dylan Falzon u Adam Smeir. Din il-logħba li se tkun qiegħda tintlagħab Nhar il-Ħadd 31 ta’ Lulju fis-7:00 p.m fir-Rabat Ajax Ground fl-Imtarfa.
Il-prezz għad-dħul se jkun ta’ €3.00. Għall-ikla li se ssir wara l-prezz se jkun €15.00.
Se jkun hemm varjetà ta’ appetizers, tliet tipi ta’ għaġin u deżerta. Dawk li jixtiequ jibbukkjaw għall-ikel jistgħu jagħmlu dan billi jċemplu fuq 99452378.
Falzon u Smeir huma żewġ plejers veterani li temmew il-karriera tagħhom mal-klabb fl-aħħar partita kontra Melita FC f’April li għadda.
Kemm Falzon kif ukoll Smeir huma prodotti tal-klabb u t-tnejn li huma ddebuttaw fl-età ta’ 17-il sena, fl-istaġuni 2002/03 u 2003/04 rispettivament.
Smeir lagħab 337 logħba uffiċjali, u skurja 101 gowl, filwaqt li Falzon lagħab 340 logħba uffiċjali u skurja tmien gowls.
