Skont rapporti, Nottingham Forest għamlu offerta lil Lorenzo Insigne, iżda l-midfielder internazzjonali Taljan jippreferi jibqa’ ma’ Toronto FC fil-Kanada.
Il-player ta’ 32 sena ngħaqad mal-club tal-MLS bħala aġent ħieles fis-sajf tal-2022 u kkontribwixxa 11-il goal u sitt assists fi 33 logħba kompetittiva.
Il-midja Taljana ssostni li Nottingham Forest għamlu proposta lil Toronto FC, bit-tama li jieħdu lil Insigne b’self b’għażla li jixtruh fi tmiem l-istaġun li tista’ ssir obbligatorja jekk jintlaħqu ċerti kundizzjonijiet.
Madankollu, l-istess sorsi jinsisti wkoll li l-attakkant innifsu mhux interessat li jingħaqad mal-club tal-Premier League u jippreferi jibqa’ l-Kanada jekk ma jkunx hemm ċans li jirritorna fl-Italja. Insigne għandu kuntratt ma’ Toronto FC sa Ġunju 2026.
Prodott tal-akkademja taż-żgħażagħ ta’ Napoli, huwa kompla biex sar il-captain tal-club maħbub ta’ belt twelidu.
Huwa skorja wkoll 10 goals f’54 logħba għall-Italja, iżda ftit wara waqa’ minn fuq ir-radar wara li mar jilgħab ma’ Toronto.
