L-eks midfielder offensiv Ġermaniż Lothar Matthaus ta donazzjoni lill-federazzjoni tal-futbol Arġentina u rrifjuta li jdaħħal fil-but €8 miljun għall-flokk ta’ Diego Armando Maradona. Dan tal-aħħar, li ħalla din id-dinja sentejn ilu, kien ta l-flokk numru 10 tiegħu lil Matthaus waqt il-finali tat-tazza tad-dinja li saret fil-Messiku lura għas-sena 1986. Dakinhar it-tim mill-Amerika t’Isfel kien rebaħ 3-2.
Wara aktar minn 36 sena, Matthaus iddeċieda li jagħti din it-tifkira lill-federazzjoni Arġentina sabiex iżommuh fil-mużew tagħhom.