Il-midfielder offensiv mill-Kroazja Luka Modric, li bħalissa hu plejer ħieles wara li temm l-avventura tiegħu ma’ Real Madrid, qed jattira l-interess ta’ AC Milan. Il-klabb Rossonero qed jikkunsidrah bħala żieda esperjenzata għall-midfield u qed jaħseb biex jiffirmah b’kuntratt ta’ sena.
Modric, li għandu 39 sena, hu miftuħ għal sfida ġdida u għandu rabta sentimentali ma’ Milan. L-għan tal-klabb hu li jsaħħaħ l-iskwadra bil-karattru u l-esperjenza tiegħu, speċjalment fid-dawl tat-tazza tad-dinja tal-klabbs li ġejja dalwaqt.