Il-Milan Club Malta 1979 ħabbar li, il-kittieb u l-ġurnalista espert fuq dak kollu li hu MILANISTA se jippreżenta l-aħħar ktieb tiegħu ‘Il Cuore di un Uomo’ (ktieb dwar storja vera ta’ kirurgu Taljan li salva miljuni ta’ ħajjiet), kif ukoll se jirrispondi mistoqsijiet dwar AC Milan hawn Malta!
Luca Serafini, huwa ġurnalista li jkun mistieden fuq diversi stazzjonijiet taljani (Milan TV, SkySport, SportItalia, Mediaset, 7Gold, fost oħrajn) kif ukoll kittieb ta’ diversi kotba, ( 1995 – Soianito, 2005 – L’oro di Sheva, 2006 – Il libro delle liste sul calcio, 2007 – Calcinculo, 2011 – La vita è una, 2011 – Sembra facile diventare genitori grazie alla fede e alla scienza, 2014 – La rivoluzione di Giuseppe, 2018 – Lady Stalker, 2022 – Il cuore di un uomo fost oħrajn )
Fit-28 TA’ ĠUNJU, 2023, tista’ tiltaqa’ ma’ Luca waqt ikla tajba flimkien ma’ partitarji Rossoneri bħalek.
Luca Serafini diġà kien fostna xi snin ilu u l-Milanisti Maltin l-opportunità jiddjalogaw fuq temi li forsi ma narawhomx fl-aħbarijiet! Konvinti li b’dak kollu li għaddejjin minnu l-AC Milan, is-serata ser tkun ferm interessanti!
Jekk inti interessat tiltaqa’ magħna, u jkollok l-opportunità li TISTAQSI lil Sig. Serafini dwar it-tim għażiż tagħna. Dakinhar tista’ tieħu ritratt miegħu waqt barbikju skwiżit mis-7.00p.m. ‘il quddiem. Ibgħatilna messaġġ privat fuq il-paġna ta’ facebook, Milan Club Malta 1979 jew ikkuntattja lil xi membru tal-Kumitat.
