L-attakkant veteran Urugwajan Luis Suarez se jitlaq lil Nacional sabiex probabbilment jingħaqad ma’ Gremio fil-Brażil.
El Pistolero, kif inhu magħruf, ingħaqad mat-tim Urugwajan matul din is-sena fejn lagħab 14-il partita u skorja tmien goals.
Minkejja kollox, hu ma tantx kien konvint minn din l-esperjenza bi Gremio li qed joffrulu kuntratt ta’ sentejn li fihom jaqla’ €250,000 flimkien ma’ xi bonuses oħra.
Ħafna qed jgħidu li din tista’ tkun waħda mill-aħħar esperjenzi ta’ Suarez li issa għandu 35 sena.
