Id-difensur xellugi ta’ Manchester United Luke Shaw se jkollu jibqa’ barra għal numru ta’ ġimgħa wara injury fil-muskolu li sofra. It-tim immexxi minn Erik Ten Haag għadu ġej minn telfa xejn mistennija ta’ 2-0 kontra Tottenham Hotspur u matul tmiem din il-ġimgħa huma se jilagħbu kontra Nottingham Forest b’Shaw li se jkollu jara l-logħba minn fuq l-istands.
It-tobba tal-klabb eżaminaw il-plejer u tawh parir sabiex jieħu ftit tal-mistrieħ u eventwalment isirulu l-interventi meħtieġa fiż-żmien li ġej.
Shaw għandu 28 sena u ilu mar-Red Devils sa mis-sena 2014 fejn lagħab 181 partita u skorja tliet gowls.
