“Ma nafx minn fejn ġabuha li l-Kabinett iddiskuta l-każ tal-Montenegro. Din hi gidba.” Dan iddikjarah il-Ministru għall-Enerġija, Michael Farrugia fil-Parlament.
Qal li “għax l-Enemalta m’għandhiex x’taħbi, u jekk saru l-affarijiet ħażin għandhom jittieħdu passi kontra min abbuża u lili se jsibuni warajhom. Dan il-gvern kellu l-kuraġġ li kull politiku li b’xi mod jabbuża m’għandux moħħu mistrieħ li jekk jgħaddu ċertu snin jintesa kollox. Għaddejna liġi li għomrok kollu tibqa’ tiġri warajk. L-ewwel li se niġbor taf x’inhu, l-€4 miljuni li l-Partit Nazzjonalista għandu jħallas f’kontijiet”.
