Illum hu għeluq snin Jean Paul Sofia u dan hu l-ewwel wieħed minn wara l-mewta traġika tiegħu. Kieku llum il-vittma jagħlaq 21 sena.
Ommu lbieraħ fuq il-profil li hemm iddedikat għal binha fuq il-midja soċjali kitbet li “ġurnata iebsa u kiefra iktar mis-soltu għax l-ewwel birthday tas-sabiħ tiegħi li ma nistax ingawdih miegħu…”
Hi titlob lil qarrejja biex jiftakru fiha fit-talb tagħhom hekk kif trid tgħaddi minn ġurnata ferm diffiċli.
