Gowl drammatiku skorjaw fil-ħin mogħti żejjed mir-referee kien determinanti sabiex Għaxaq Wolves żiedu l-vantaġġ tagħhom f’ras il-klassifika tal-kampjonat tal-Ewwel Diviżjoni tal-MAFA.
Għaxaq Wolves – Balluta Barracudas 3-2.
Għaxaq Wolves żiedu l-vantaġġ tagħhom f’ras il-klassifika wara rebħa drammatika ta’ 3-2 kontra Balluta Barracudas.
Ma kinitx logħba faċli għall-Għaxqin li saħansitra kienu darbtejn minn taħt u kien biss fl-aħħar sekondi tal-logħba li dawru r-riżultat favurihom.
Bla dubju din kienet l-aqwa wirja ta’ Balluta li minkejja l-isforzi kollha tagħhom ħarġu b’idejhom vojta minn dan il-konfront.
Kollox ġara fl-aħħar kwarta tal-logħba fejn ġew skorjati ħames gowls. Kienu l-Cudas li marru minn fuq permezz ta’ Andrew Tortell fit-58 minuta sabiex Sebastian Nayar għamel l-iskor 1-1 għal Għaxaq.
Balluta Barracudas mal-ewwel irrispondew u skorjaw it-tieni gowl minn Anthony Bartolo għalkemm l-Għaxqin dawru l-iskor favurihom fil-ħin mogħti żejjed mir-referee permezz ta’ Igor Misan (70 minuta) u Fernando Goncalves (73 minuta).
Referee kien Lorry Sammut.
San Ġwann Pro Evolution Academy – San Ġiljan Saints 3-3
F’logħba bilanċjata u mimlija gowls, San Ġwann Pro Evolution u San Ġiljan Saints spiċċaw fi draw ta’ 3-3. Dan ir-riżultat ftit biddel id-destin fil-klassifika taż-żewġ timijiet.
Kienu San Ġiljan li marru minn fuq fl-10 minuta wara penalty ta’ Robert Veskimae sabiex Claude Jansen fis-16-il minuta u Roel Tusha fl-20 minuta fetħu vantaġġ ta’ 3-0 għat-tim tagħhom.
Qabel tmiem l-ewwel taqsima, Thomas Bertrand naqqas il-marġni tal-iskor għal San Ġwann.
Fit-tieni taqsima, San Ġwann kienu determinati li jġibu l-iskor indaqs u għamlu dan b’żewġ gowls ta’ Landry Loic Mebanda u Naeldine Dhounouraini.
Referee kien Gjorgji Bitri.
Zebbuġ Youngsters – Ħamrun Amateurs 2-2
F’logħba interessanti mit-tieni diviżjoni, Zebbuġ Youngsters u FC Ħamrun Amateurs spiċċaw fi draw ta’ 2-2. Kienet logħba ta’ bilanċ assolut biż-żewġ timijiet li minkejja li pprivaw għat-tliet punt, spiċċaw ħadu punt kull wieħed Zebbuġ li salvaw ir-riżultat fl-aħħar.
Kienu ż-Żebbuġin li marru minn fuq fis-7 minuta permezz ta’ Kebba Darboe sabiex għaxar minuti wara Ħamrun ġabu d-draw minn Matthew Coleiro u saħansitra marru minn fuq permezz ta’ Martin Busuttil.
Fl-aħħar minuta tal-logħba, Żebbuġ ġabu l-iskor indaqs minn Bilaly Ceesay.
Referee kien Sillah Alhasana.
Mosta Vikings – St Paul’s Bay NMFC 2-3
St Paul’s Bay NMFC rebħu l-konfront dirett tan-naħa t’isfel tal-klassifika tal-kampjonat tat-tielet diviżjoni wara skor ta’ 3-2 kontra Mosta Vikings AFC.
It-tim minn San Pawl il-Baħar stabilixxa vantaġġ ta’ 2-0 sa tmiem l-ewwel taqsima grazzi għall-gowls ta’ Sonam Gurung u Bishal Khawash.
Fit-tieni taqsima, Mosta naqqsu l-marġni tal-iskor minn Nathan Sciberras sabiex Bishal wettaq doppjetta personali u żied il-vantaġġ għal St Paul’s Bay NMFC.
Mosta naqqsu l-iskor għal darb’oħra fil-ħin mogħti żejjed mir-referee permezz ta’ Jeremy Ellul
Referee kien Alex Grech.
KLASSIFIKA – MAFA L-EWWEL DIVIŻJONI
Għaxaq Wolves 22, Valletta St Paul’s 18, Marsa St Michael’s 16, Balluta Barracudas 12, San Ġiljan Saints 8, San Ġwann Pro Evolution 6, Ta’ Ġiorni Wanderers 4, Mqabba Albions 0.
KLASSIFIKA – MAFA IT-TIENI DIVIŻJONI
Valletta Stars St Dominic 16, Senglea Gunners 14, Birzebbuġa St Peter’s AFC, Attard Edex Kings 12, Żebbuġ Youngsters 10, Ħamrun Amateurs 6, Gudja Wanderers 4, Ħal Far Titans 0.
KLASSIFIKA – MAFA IT-TIELET DIVIŻJONI
Swieqi United AFC 18, Qajjenza AFC 10, St Paul’s Bay NMFC 7, Naxxar Victorians 5, Mosta Vikings 0.
