Marsa St Michael rebħu l-Joe Compagno Cup meta ddominaw għal kollox il-konfront kontra Għaxaq Wolves tant li rebħu 7-2.
Kienet partita bejn iċ-champions tal-Ewwel Diviżjoni kontra r-rebbieħa tal-kompetizzjoni knock-out. Dawn tal-aħħar kienu diġa’ stabilixxew vantaġġ ta’ 3-0 sal-ewwel kwarta u baqgħu jiddettaw il-logħba tul is-70 minuta.
Min-naħa tagħhom, iċ-champions Għaxaq iddiżappuntaw fejn wettqu ħafna żbalji fid-difiża.
Protagonisti għall-Marsin kienu Yuya Emura u Joao Coutinho li skorjaw tliet gowls kull wieħed. Yuto Kato kien fetaħ l-iskor għat-tim tiegħu.
Għal Għaxaq l-attakkant Brażiljan Hugo Vinicius skorja żewġ gowls wieħed minnhom minn penalty.
Fi tmiem il-konfront, is-segretarju ġenerali tal-MFA Dr Maria Azzopardi ippreżentat it-tazza lill-captain ta’ Marsa St Michael Nikola Neskovic.
Referee kien Lorry Sammut.