Il-Ħaddiema tal-Protezzjoni Ċivili bħalissa għaddejjin b’operazzjoni diffiċli tat-tifni tan-nar hekk kif maħżen fejn kienu jinżammu scooters spiċċa nħakem minn nirien qawwija.
In-nies ġew imħeġġa jevitaw l-inħawi waqt li residenti f’Birkirkara u s-Swatar intalbu jżommu t-twieqi u l-bibien magħluqa.
Il-maħżen jinsab fl-inħawi ta’ Triq l-Imsida fejn minħabba n-nirien il-pulizija għalqu t-triq għat-traffiku.