Il-plejer Brażiljan ta’ 26 sena kellu wirjiet tajbin matul ix-xahar li għadda b’mod partikolari fil-logħba diretta kontra r-rivali Valletta fejn hu skorja doppjetta u xpruna lit-tim għar-rebħa finali.
Maicon ingħaqad mat-tim minn St Andrews madwar erba’ snin ilu. Fil-passat hu kien jilgħab fl-Ażerbajġan ma’ Araz Naxcivan fejn ironikament kienu lagħbu kontra Luxol fis-sena 2017 fil-UEFA Futsal Champions League. Kien hawn li dan il-plejer laqat l-għajn tad-diriġenti ta’ Luxol li fl-istaġun ta’ wara kisbu s-servizzi tiegħu. Hu mal-ewwel wera l-potenzjal tiegħu u għen lit-tim jirbaħ kampjonat wara ieħor.
Il-preżentazzjoni lil Maicon saret mill-kap eżekuttiv tal-Enemed l-Inġinier Philip Borg u l-president tal-FMA il-perit Mark Borg fejn apparti t-trofew, hu ngħata wkoll xi vouchers mingħand l-isponsors.
