Minn Cristian Muscat
Kif bdiet l-imħabba tiegħek lejn il-futbol?
L-imħabba tiegħi lejn il-futbol bdiet meta konna nilagħbu barra fit-triq u l-iskola.
Iddeskrivi l-esperjenza preżenti tiegħek bħala kowċ tal-goalkeepers ta’ Pietà Hotspurs FC.
Hija esperjenza sabiħa ħafna u vera kuntent nara goalkeepers ta’ età żgħira jieħdu t-taħriġ bis-serjetá u jagħtu kollox ġurnata wara oħra u għalhekk għażilt li naħdem ma’ Pietá Hotspurs FC, għax kif kulħadd jaf dejjem jagħtu ċans lill-plajers żgħażagħ jilagħbu mat-tim tal-kbar. Ħafna drabi kienu l-ewwel tmienja minn 11-il plejer kollha prodotti tal-akkademja.
X’tikkummenta fuq l-andament tat-tim tagħkom matul l-istaġun li għadda, li rakom ukoll tirbħu ċ-Challenge Cup fit-tmiem tiegħu?
Għalkemm ninsabu ftit diżappuntati għall-istaġun li għadda wara li ma ġejniex promossi xorta spiċċajna fuq nota pożittiva wara r-rebħ taċ-Challenge Cup. Peró, iva m’aħniex kuntenti ghax it-tragward ewlieni tagħna kien dak li niksbu l-promozzjoni għall-Malta Premier.
Kif tqis il-livell tal-futbol Malti fil-preżent?
Il-futbol Malti narah li hawn talent f’età żgħira però nuqqas ta’ ċertu logħob kontra akkademji professjonali iħallu lura milli t-talent jikber.
U dak tar-riżorsi (grawnds) fejn tilagħbu l-logħob uffiċjali tagħkom?
Kulħadd jaf li l-grawnds għalina huma xi ħaġa ta’ tħabbil il-moħħ kontinwu, fejn nibdlu ħafna grawnds fejn nittrenjaw.
Kif qed tħares lejn il-futur tiegħek fil-futbol?
Il-futur għalija fil-futbol nixtieq nara aktar żgħażagħ jaslu li jilagħbu barra minn xtutna u mat-tim nazzjonali.
Għaddi messagg finali lil min jixtieq jibda jilgħab il-futbol, speċjalment fir-rwol ta’ goalkeeper.
Pożizzjoni unika li fiha l-isfidi tagħha peró s-sodisfazzjon li ssalva logħba huwa xi ħaġa sabiħa ħafna.