Id-difensur ċentrali Ġermaniż Malick Thiaw kellu jirrifjuta s-sejħa tal-kowċ tat-tim nazzjonali Ġermaniż Julian Nagelsmann minħabba li martu qed tistenna tarbija. Il-plejer ta’ 22 sena li jilgħab ma’ Milan kien issejjaħ oriġinarjament minn Nagelsmann sabiex jingħaqad mal-kontinġent Ġermaniż iżda wara li kkonsulta ma’ martu, għażel li jkun magħha l-isptar għal dawn l-aħħar jiem qabel ma twelled.
Fl-istess waqt, Thiaw se jibqa’ għad-dispożizzjoni tal-kowċ Stefano Pioli waqt it-taħriġ mar-Rossoneri għalkemm ingħata permess li kif ikun hemm ħjiel li ibnu se jitwieled imur mal-ewwel l-isptar f’Milan.
