Fl-2019, il-Gvern irreġistra surplus ta’ €71 miljun, ekwivalenti għal 0.5% tal-Prodott Gross Domestiku (GDP). Mill-banda l-oħra d-dejn tal-Gvern kien jammonta għal €5,695.6 miljun jew 43.1% tal-GDP.
Statistika maħruġa mill-Uffiċċju Nazzjonali tal-Istatistika (NSO) turi kif is-surplus ħareġ wara li d-dħul laħħaq il-€5,045.3 miljun u l-ispiża kienet ta’ ftit aktar minn €4,974 miljun. Meta wieħed iqabbel l-2019 mal-2018, it-total ta’ dħul żdied b’€273.4 miljun waqt li l-infiq totali żdied b’€439.5 miljun.
