Minn Cristian Muscat
Kif bdiet l-imħabba tiegħek lejn il-beach soccer?
Bdiet mill-bogħod, jien twelidt fuq ir-ramel, ngħix f’post ħdejn il-baħar u l-qraba tiegħi ġejjin minn hemm… anke jekk l-imħabba vera tiegħi hija l-futbol!
Ħa mmur dritt għall-punt. X’tikkummenta dwar ir-rebħ tal-kampjonat lokali tal-beach soccer minn Sliema Beach Soccer f’dawn l-aħħar ġimgħat? U xi tgħidli speċifikament dwar il-finali, fejn għelibtu lil Hamrun SC Beach Soccer bl-iskor strett ta’ 7-6?
Jien kuntent ħafna, issa Malta hija t-tieni dar tiegħi kemm għall-vaganzi kif ukoll għall-beach soccer… Kont hemm għall-ewwel darba fl-2013 u nħabbejt magħha, imbagħad iltqajt ma’ nies mill-aqwa bħall-president Zack Zammit u l-ħabib kbir tiegħi Beppe Barone, jien kuntent fuq kollox għalihom, nies meraviljużi bħal kulħadd! Kienet logħba miġġielda ħafna, anke jekk morna minn fuq bi tliet gowls b’doppjetta tiegħi, imma r-reazzjoni tagħhom kienet inevitabbli minħabba t-tim b’saħħtu li kienu… imma rbaħnieha bil-qalb, inkredibbli… ħasra li ma stajtx nilgħab sat-tmiem fit-tielet sessjoni minħabba injury li għadni qed nittratta sal-lum, inkella ma kinitx tispiċċa b’differenza ta’ gowl wieħed.
Kif spiċċajt tilgħab f’Malta?
Ismi ġie ssuġġerit minn ħabib ieħor komuni ma’ Beppe Barone, il-bqija hija storja!
Kif tqis il-livell tal-beach soccer f’Malta, u dan kemm hu differenti minn dak fl-Italja?
Jien ma jien ħadd biex niġġudika l-livell, imma naħseb li jista’ jittejjeb aktar b’aġġustamenti żgħar, bħall-arena, aktar sponsors, it-tul tat-turnew, il-ġranet li fihom jintlagħab, dejjem jista’ jitjieb, ikun aktar live fuq it-televixin, fir-rigward tal-livell dejjem huwa dovut għaż-żona ta’ ġbir u l-qawwa ekonomika ta’ kumpanija, nittama li kif imur nistgħu nikbru.
Xi tgħidli dwar l-esperjenza tiegħek mat-tim nazzjonali Taljan tal-beach soccer?
Kienet esperjenza li se nibqa’ nġorr miegħi għal dejjem, sirt naf postijiet sbieħ u l-organizzazzjoni tat-tim nazzjonali Taljan hija impekkabbli, dejjem se tibqa’ fija.
Kif qed tara l-futur tiegħek fil-beach soccer?
Rigward il-futur tiegħi fil-Beach Soccer, għadni ma nafx kemm se nkun nista’ nagħmel dak li nagħmel, imma sakemm saqajja jżommu sodi dejjem se nipprova, għandi Beach soccer Academy fil-belt tiegħi u nittama li t-tfal iżgħar ikunu jistgħu jieħdu ispirazzjoni minni, sabiex dan l-isport isir aktar reżonanti… Issa xorta se jkun hemm xahar tajjeb u mbagħad nerġa’ nilbes iż-żraben tiegħi biex nilgħab fi grawnd tal-futbol u nabbanduna l-beach soccer biss temporanjament!