Malta Public Transport se tkun qed torganizza servizzi speċjali ta’ trasport pubbliku għall-kunċerti popolari ta’ André Rieu, li se jsiru nhar il-Ġimgħa 29 u s-Sibt 30 ta’ Awwissu fuq il-Fosos tal-Floriana. Is-servizzi addizzjonali, li huma bla ħlas għal dawk li għandhom Tallinja Card, se jkopru bosta destinazzjonijiet madwar Malta, biex il-pubbliku jkun jista’ jattendi dawn il-kunċerti b’mod faċli u aktar komdu.
Biex ikun assigurat li l-passiġġiera kollha jlaħħqu jitilgħu, il-karozzi tal-linja se jibqgħu fil-punt ta’ tluq għal ftit ħin wara li jintemm il-kunċert f’każ li dan idum aktar milli ppjanat. Il-passiġġiera huma mitluba jimxu lejn iż-żona tat-tluq malli jispiċċa l-kunċert biex ma jitilfux is-servizz. It-tluq isir malli jitilgħu l-passiġġiera jew meta jintalab mill-awtoritajiet tat-traffiku.
Is-servizzi addizzjonali se jkunu fuq dawn ir-rotot:
Rotta – Tluq mill-Belt Valletta – Destinazzjonijiet
S10 23:45 Paola, Isla, Bormla, Kalkara
S12 23:55, 00:15 Msida, San Ġiljan, Pembroke, Baħar ic-Ċagħaq, Qawra, Bugibba
S13 23:45, 23:55, 00:05, 00:15, 00:25 Msida, Gżira, Sliema, San Ġiljan
S20 23:45 Msida, Argens, San Ġwann, Għargħur
S40 23:50 Birkirkara Triq il-Wied, Lija/Balzan, Technopark, Vjal l-Indipendenza (Mosta), Mġarr, Manikata
S41 23:45 Triq il-Kosta, San Pawl il-Baħar, Mellieħa, Ċirkewwa
S42 23:45 Birkirkara Triq il-Wied, Mosta, Żokrija
S47 23:50 Msida, Birkirkara Bypass, Lija/Balzan, Iklin, Naxxar, Mosta Sta Margerita, Targa, Ċentru tal-Mosta
S51 23:45 Fleur de Lys, Rabat, Mtarfa
S52 23:55 Fleur de Lys, Rabat, Dingli
S61 23:45 Ħamrun, Qormi, Żebbuġ (Sciortino), Kandlora
S62 23:50 Ħamrun, Qormi Bypass, Siġġiewi
S71 23:45 Luqa (fuq ġewwa), Kirkop, Safi, Żurrieq
S72 23:45 Luqa (fuq barra), Kirkop, Mqabba, Qrendi
S80 23:50 Santa Luċija, Gudja, Għaxaq, Birżebbuġa, Tal-Papa
S85 23:45 Tarxien (Triq il-Palma), Bulebel, Żejtun, Montebello, Marsaxlokk
S90 23:45 Paola, Fgura, Marsaskala
S94 23:50 Paola, Fgura, Żabbar, Xgħajra
Ir-rotot tas-soltu ta’ matul il-lejl se jaħdmu normali skont l-iskeda tagħhom.
Malta Public Transport tistieden lil min se jattendi għal dawn il-kunċerti biex jagħmel użu minn dawn is-servizzi għal vjaġġ komdu lura d-dar. L-ivvjaġġar fuq dawn is-servizzi, kif ukoll fuq ir-rotot regolari ta’ matul il-lejl, huwa bla ħlas għad-detenturi ta’ Tallinja Card. Il-passiġġieri li m’għandhomx Tallinja Card jistgħu jixtru biljett ta’ €3 kull vjaġġ direttament fuq tal-linja, u jistgħu jħallsu bi flus kontanti jew contactless.
Aktar aġġornamenti u informazzjoni tkun disponibbli fuq il-websajt tal-Malta Public Transport u fuq il-mezzi soċjali tagħha.