Malta ttellgħet biex tilgħab kontra l-Georgia, Ċipru u Andorra fi Grupp C2 tal-UEFA Women’s Nations League.
It-tlugħ tal-poloz sar nhar il-Ħamis 7 ta’ Novembru 2024 f’Nyon, l-Isvizzera.
Din se tkun it-tieni edizzjoni tal-UEFA Women’s Nations League. Fl-ewwel edizzjoni, Malta, taħt il-gwida tal-kowċ Manuela Tesse, rebħet il-grupp tagħha fil-League C biex kisbet il-promozzjoni. Huma reġgħu lura fil-League C wara esperjenza utli ħafna fil-Kwalifiki tal-Kampjonat Ewropew tan-Nisa tal-UEFA fejn ffaċċjaw lill-Portugall, l-Irlanda ta’ Fuq, u l-Bożnja u Ħerzegovina.
Malta se tkun qed tfittex li turi t-titjib tagħha hekk se tipprova terġa’ tikseb il-promozzjoni promozzjoni għal-League B.
F’kumment dwar il-poloz, il-Kowċ tat-Tim Nazzjonali tan-Nisa ta’ Malta Manuela Tesse qalet: “Aħna eċitati li se nilagħbu kontra l-Georgia, Ċipru, u Andorra fi Grupp C2. Huwa grupp bilanċjat, u huwa ċans kbir għalina li nuru kemm tjiebna. Kull logħba se tkun sfida, iżda nemmnu fil-kapaċità tat-tim tagħna li jikkompeti u jikseb riżultati tajbin. Se naħdmu qatigħ biex Malta tkun kburija.”
L-istadju tal-kampjonat tal-UEFA Women’s Nations League se jkollu 53 tim parteċipant, maqsuma fi tliet kampjonati. Dawn huma maqsuma f’żewġ kampjonati ta’ 16 u ieħor ta’ 21. L-istadju tal-kampjonat se jiddetermina liema erba’ timijiet jgħaddu għall-finali, flimkien mal-promozzjoni u r-relegazzjoni bejn il-kampjonati qabel il-fażi tal-Kwalifiki Ewropej għat-Tazza tad-Dinja tan-Nisa tal-FIFA 2027 fil-Brażil. .
L-ewwel żewġt Matchdays tal-fażi tal-kampjonat se jsiru bejn id-19 u s-26 ta’ Frar, 2025. Il-play-offs ta’ promozzjoni u relegazzjoni se jsiru bejn it-22 u t-28 ta’ Ottubru, 2025, l-istess perjodu meta jsiru s-semi-finali. Il-play-off finali u tat-tielet post se ssir bejn is-26 ta’ Novembru u t-2 ta’ Diċembru, 2025.
Kalendarju sħiħ tal-UEFA Nations League tal-2025
Stadju tal-kampjonat
Matchdays 1 & 2: Bejn id-19 u s-26 ta’ Frar 2025
Matchdays 3 & 4: Bejn it-2 u t-8 ta’ April 2025
Matchdays 5 u 6: Bejn it-28 ta’ Mejju u t-3 ta’ Ġunju 2025
Finali
Tlugħ: 6 ta’ Ġunju 2025, Nyon (data TBC)
Semifinali (żewġ legs): Bejn it-22 u t-28 ta’ Ottubru 2025
Play-off finali/it-tielet post (żewġ legs): Bejn is-26 ta’ Novembru u t-2 ta’ Diċembru 2025
Play-offs ta’ promozzjoni/relegazzjoni
Tlugħ: 6 ta’ Ġunju 2025, Nyon (data TBC)
Logħbiet (żewġ legs): Bejn it-22 u t-28 ta’ Ottubru 2025