Fl-okkażjoni ta’ Jum l-Independenza ta’ pajjiżna, Festivals Malta permezz tal-Kumitat Festi Nazzjonali ħejja numru ta’ attivitajiet bil-għan li nfakkru din il-ġrajja storika.
Dalgħodu, il-Gwardja tal-Unur u l-Banda tal-Forzi Armati ħadu posthom f’Misraħ San Ġwann.
Wara bdiet quddiesa pontifikali u Te Deum fil-Konkatidral ta’ San Ġwann. Din ġiet segwita minn tqegħid ta’ fjuri fuq il-monument tal-Indipendenza fil-Furjana fejn preżenti kien hemm, il-President ta’ Malta, l-Eċċellenza tagħha Myriam Spiteri Debono, il-Prim Ministru Robert Abela u l-Kap tal-Oppożizzjoni Bernard Grech.
