Latvja ………..1
Malta ………..1
B’wirja reżiljenti u determinata, Malta kisbet l-ewwel punt tagħha fi Grupp B3 fir-round ta’ kwalifikazzjoni tal-Kampjonat Ewropew tan-Nisa ta’ Taħt id-19-il sena, fid-draw ta’ 1-1 kontra l-Latvja, f’tournament kwadrangulari li qed jintlagħab fis-Centenary Stadium.
Il-Maltin ħarġu fuq l-offensiva u bdew jippressaw lill-avversarji. U fit-tmien minuta, huma fetħu l-iskor permezz ta’ Lara May Azzopardi, li b’xutt fil-baxx tefgħet il-ballun fir-rokna tax-xibka.
Fit-18-il minuta, Malta heddew biex jirduppjaw iżda Ylenia Azzopardi, kellha x-xutt tagħha salvat tajjeb mill-goalkeeper, Kristiana Ustinenkova.
Fil-35 minuta, il-Latvja resqu viċin li jiksbu d-draw meta Patricija Brazauska venvnet xutt mix-xellug li ġie mdawwar f’corner b’mod eċċellenti mill-goalkeeper, Erika Muscat.
Wara l-mistrieħ, il-Latvja ħarġu ferm aggressivi u fit-48 minuta għamlu l-iskor indaqs meta Paula Dzene sparat xutt fir-rokna tas-saqaf tax-xibka li ma ta l-ebda cans lil Muscat issalva.
Sa tmiem il-partita, l-iskor baqa’ ma nbidilx biex il-Maltin kisbu l-ewwel punt tagħhom fi Grupp B3.
L-aħħar partita tal-grupp ta’ Malta se tarahom jiffaċċjaw lil Kazakhstan, it-Tnejn li ġej, fil-11.00 am.
Fil-logħba l-oħra, il-Kosovo għelbu lill-Kazakhstan bl-iskor ta’ 2-1.
Latvja: 1-Kristiana Ustiņenkova, 2-Kristiana Punga, 5-Alise Baltrusaite, 6-Tina Camane, 8 Nikola Pincuka (3 Felicita Cirule 46), 9-Paula Dzene, 10-Patricija Brazauska, 11-Umasu Camane, 11-Umasu Upijase Gindra, 20-Liva Steinberga – Coach: Didzis Matiss
Malta: 1-Erika Muscat, 2-Michela Rose Ionadi, 4-Amber Galea, 7-Lara May Azzopardi, 8-Amelia Vassallo, 10-Crista Chetcuti Ganado, 15-Thea Ida Scicluna, 19-Suzanne Farrugia Sacco (14-Shannen Mallia 79), 20-Ylenia Azzopardi, 21-Francesca Bartolo (18-Shana farrugia 46), 22-Stella Francalanza – Coach: David Attard
Referee: Vanja Jankovic (Slovenja)
Skorers: L. M. Azzopardi 8 (M), P. Dzene 48 (L)
Ammoniti: Michela Rose Ionadi, Stella Francalanza, Erika Muscat (M)
