Malta kisbu l-ewwel rebħa fil-EuroHockey Championship 3 wara li għelbu lill-Ungerija 5-2 f’logħba fejn kienu aħjar mill-avversarji.
Wara li tilfu l-ewwel żewġ logħbiet 9-1 kontra l-Ukrajna u 3-2 kontra l-Bulgarija, it-tim immexxi minn Chris Attard kien determinat sa mill-bidu u dan kollu ta kontribut għal din ir-rebħa.
Christ Agius u Thomas Degiovanni skorjaw doppjetta kull wieħed filwaqt li Keith Bajada żied ieħor għat-tim tiegħu.
L-Ungeriżi naqqsu l-iskor permezz ta’ Benedez Kosari u Martin Csogo.
Issa l-Maltin jilagħbu l-logħob ta’ klassifikazzjoni wara li spiċċaw fit-tielet post fil-grupp tagħhom.