Il-coach nazzjonali ta’ Taħt il-21 sena, Davide Mazzotta, sejjaħ l-iskwadra finali ta’ 23 player għal-logħba ta’ ħbiberija internazzjonali kontra San Marino.
L-ewwel partita bejn iż-żewġ timijiet se tintlagħab proprju għada, fi Stadio Ezio Conti di Dogana, fis-6.00 pm.
Imbagħad it-tieni konfront se jintlagħab nhar is-Sibt li ġej, 7 ta’ Ġunju, fil-Campo do Acquaviva, fl-istess ħin.
Iż-żewġ logħbiet se jkunu t-tieni sett ta’ logħbiet internazzjonali taħt ir-responsabbiltá ta’ Mazzotta, wara d-draw ta’ 1-1 kontra l-Estonja, f’Marzu li għadda.
Iż-żewġ logħbiet se jkunu vitali biex jgħinu lit-team żagħżugħ jikseb aktar esperjenza internazzjonali, speċjalment qabel ir-round ta’ kwalifikazzjoni tal-Kampjonat Ewropew, li se jingħata bidu f’Settembru li ġej meta nilagħbu l-ewwel partita f’darna kontra l-Greċja.
Inizjalment, Mazzotta sejjaħ skwadra proviżorja ta’ 28 player, iżda wara analiżi mill-qrib matul dawn l-aħħar ġimgħat, huwa għamel l-għażla finali għal-logħbiet kontra San Marino.
L-iskwadra tinkludi numru ta’ players ibbażati barra l-pajjiż, li jenfasizza kif il-players Maltin qed jiksbu aktar opportunitajiet biex jilagħbu barra minn xtutna.
L-iskwadra ta’ 23 player hija:
Goalkeepers: Luca Camilleri (Zabbar SP); Karl Sargent (Birkirkara); Hugo Sacco (Hibernians)
Difensuri: Malik Amin (Sydney FC – Awstralja); Nathan Cross (Birkirkara); Mattias Ellul, Kean Scicluna, Sven Xerri (Hamrun S.); Finley Ging (Boston United – Ingilterra); Benjamin Hili (Balzan); Jake Micallef (Zabbar SP); Tristan Viviani (San Diego – Stati Uniti)
Midfielders: Andrew Borg (Gzira U.); Antiago De Flavia (Floriana); Jake Grech (Balzan); Daniel Letherby (Hamrun S.)
Attakkanti: Nicholas Agius (Birkirkara); Alfie Bridgman (Fareham Town FC – Ingilterra); Brooklyn Borg (Gzira U.); Isaiah Chukunyere (Hibernians); Zak Barbara (Valletta); Joshua Pitts (Ipswich Town – Ingilterra, Gunner Elliott (Chesterfield FC – Ingilterra)
