Malti li jinsab f’Kharkiv… għandna bżonn it-talb tagħkom u l-appoġġ morali

Martin Ellul Mercer, il-Maltin li jgħix fil-belt ta’ Kharkiv, belt li lbieraħ għal ġurnata oħra kienet ibbumbardjata u taħt assedju, f’kumment li għamel qal li “filgħodu qomt u rajt xena ta’ sabiħa, ta’ kalma b’kullimkien miksi bil-borra. Fil-bogħod kienu jinstemgħu il-ħsejjes qawwija tal-missili jisplodu. Splużjonijiet li donnhom ma jieqfu qatt. Kharkiv qed tkun attakkata. Bil-mod il-mod l-eżistenza ta’ din il-belt qed tgħib. Iċ-ċentru ikoniku ta’ din il-belt jinsab imġarraf. Dan hu att ta’ bla preċedent ta’ salvaġiżmu fuq il-poplu Ukren u r-residenti ta’ Kharkiv. Għandna bżonn it-talb tagħkom u l-appoġġ morali”.