Raġel Malti ta’ 40 sena ġie arrestat fi Sqallija. Dan wara li l-pulizija Taljana sabitlu madwar 18-il kilo marijuana li kienet moħbija fil-karozza.
Ġie rrapurtat li l-Malti nqabad bid-droga wara li saritlu tfittxija mill-uffiċjali tad-dwana ftit mumenti qabel ma qabad il-katamaran biex jiġi lura lejn Malta.
Skont ir-rapporti qed jingħad li fil-karozza nstabu 143 pakkett li kien fihom 17.7 kilo marijuana. Id-droga u l-karozza li kien qed isuq ir-raġel ġew ikkonfiskati filwaqt li hu qed jiżamm arrestat f’Raguza.