Malti ta’ 49 sena residenti Ħaż-Żebbuġ u Taljan ta’ 47 sena residenti San Pawl il-Baħar inżammu arrestati wara li tressqu fil-Qorti t’Għawdex b’rabta mal-hold-up li seħħ f’ħanut tal-merċa fix-Xagħra jumejn ilu.
Fil-Qorti, il-Prosekuzzjoni mill-Ispetturi Wayne Camilleri u Mario Xiberras spjegat li l-każ seħħ fil-jiem li għaddew, meta allegatament, iż-żewġ imputati serqu karozza tal-għamla Toyota Vitz u wettqu hold-up f’supermarket.
Huma kienu mixlija wkoll li kisru l-kundizzjonijiet tal-ħelsien mill-arrest fuq każ ieħor u li kellhom oġġetti misruqa waqt li Torissi waħdu kien mixli li ġarr arma.
Quddiem il-Maġistrat Simone Grech, iż-żewġ imputati Matthew Frendo u Damiano Alfio Ranissi Torissi wieġbu li mhumiex ħatja. Il-Maġistrat Grech ordna sabiex Frendo u Torissi jinżammu arrestati.
L-Avukat Chris Said deher għaż-żewġ akkużati waqt li l-Avukat Carmelo Galea deher għas-supermarket.
