Manchester City u Palmeiras ftiehmu bejniethom tal-ewwel jakkwistaw is-servizzi tad-difensur ċentrali Vitor Reis. Dan tal-aħħar diġa’ għamel it-testijiet mediċi fi klinika Ingliża u l-firma tiegħu tidher issa formalita’.
Reis għandu 19-il sena u kien regolari ma’ Palmeiras li jilagħbu fil-kampjonat Brażiljan. Hu deher 18-il darba tul is-sena 2024 u skorja gowl wieħed biss. Hu kien anke regolari mat-timijiet nazzjonali tal-Brażil u qed iħabbat il-bieb għall-kategorija ta’ taħt il-21 sena.