Man Utd v Tottenham H.
Fil-partita prinipali li ntlagħbet ġewwa Old Trafford, Manchester United għelbu lil Tottenham Hotspur bl-iskor ta’ 2-0, biż-żewġ goals għalihom jaslu fit-tieni taqsima minn Fred (47) u Bruno Fernandes (69). Permezz ta’ din ir-rebħa, ir-Red Devils telgħu fil-ħames post tal-klassifika bi 19-il punt, punt biss taħt Chelsea.
Newcastle U. v Everton
Newcastle United ġewwa darhom f’St James Park ħarġu rebbieħa kontra Everton bl-iskor ta’ 1-0, bil-protagonista għalihom hekk kif irnexxielu jsib ix-xibka jkun Miguel Almiron (31).
Liverpool v West Ham U.
Liverpool ġewwa darhom f’Anfield għelbu lil West Ham United bl-iskor ta’ 1-0, bl-iskorer għalihom ikun Darwin Nunez (22).
Brentford v Chelsea
Chelsea barra minn darhom sfaw miżmuma fi draw diżappuntanti ta’ mingħajr goals minn Brentford.
Bournemouth v Southampton
Southampton barra minn darhom għelbu lil Bournemouth bl-iskor minimu ta’ 1-0 bil-goal waħdani għalihom jasal minn Che Adams (9).