Manchester United qed jinteressaw ruħhom fid-duo ta’ Brighton and Hove Albion Alexis Mac Allister u Moises Caicedo. Dawn tal-aħħar qed ikollhom staġun pożittiv mat-tim immexxi minn Roberto de Zerbi u dawn il-wirjiet ma ħarbux l-għajnejn attenti tal-kowċ tar-Red Devils Erik Ten Haag.
Mac Allister hu Arġentin ta’ 24 sena li spikka matul l-aħħar tazza tad-dinja mirbuħa mis-Sud Amerikani filwaqt li Caicedo hu plejer mill-Ekwador magħruf għall-ħeffa tiegħu f’nofs il-grawnd.
Fl-aħħar ta’ dan l-istaġun, ir-Red Devils mistennija jibdew diskussjonijiet mas-Seagulls.