Manchester United ippruvaw litteralment jidħlu bejn il-basla u qoxritha u jintervjenu fin-negattiv meta għamlu tentattiv li jwaqqfu self li kien se jsir bejn Brighton and Hove Albion u Ipswich Town għall-winger internazzjonali Paragwajan Julio Enciso Espinola.
Kollox kien jidher lest biex dan il-plejer ta’ 21 sena jmur ma’ Ipswich iżda r-Red Devils waqqfu kollox meta ppretendew li jmur magħhom. Huma riedu plejer li jinbidel ma’ Alejandro Garnacho li se jitlaqhom iżda fl-aħħar mill-aħħar dan kollu ma seħħx għax Enciso fl-aħħar mill-aħħar ingħaqad ma’ Ipswich.
Dan l-istess klabb ikkritika bl-aħrax l-attitudni li sejħilha ardita tad-diriġenti ta’ Manchester United li ppruvaw iwaqqfu dan it-trasferiment.