Manchester City ħabbru b’mod uffiċjali li ffirmaw lid-difensur xellugi Sergio Gomez b’kuntratt ta’ erba’ snin.
Iż-żagħżugħ ta’ 21 sena ingħaqad maċ-champions għal £11-il miljun mingħand il-club Belġjan ta’ Anderlecht.
Gomez huwa r-raba’ akkwist tas-sajf ta’ Pep Guardiola – wara Erling Haaland, Kalvin Phillips u Stefan Ortega.
L-istilla Spanjola tal-U/21 kellha eżami mediku b’suċċess fi tmiem il-ġimgħa li għadda u għaldaqstant issa l-firma tiegħu hija waħda uffiċjali.
Gomez se jieħu l-flokk Nru 21 fejn se jimla l-vojt li ħalla Oleksandr Zinchenko wara li l-Ukren issieħeb ma’ Arsenal aktar kmieni dan is-sajf.
