Manchester City laħqu ftehim ta’ £78 miljun għad-difensur internazzjonali Kroat ta’ RB Leipzig, Josko Gvardiol, 21 sena.
Is-City jaraw lill-player bħala forza li tista’ tkun madwar id-diċennju li ġej u t-trasferiment tiegħu għandu jiġi kkonfermat fil-jiem li ġejjin.
Il-manager Pep Guardiola irid li dan iseħħ qabel il-konfront tal-Community Shield kontra Arsenal tal-Ħadd li ġej.
Il-club l-antik ta’ Gvardiol fil-Kroazja, Dinamo Zagreb, se jirċievi 20% tal-ħlas tat-trasferiment, li jirrappreżenta dħul kbir għall-akbar club tal-pajjiż.
Is-City identifikaw lill-player bħala mira ewlenija diversi xhur ilu u kienu qalulhom minn Leipzig biex ilestu l-ftehim sal-bidu tal-istaġun tal-Premier League.
Gvardiol kien parti mit-team Kroat li wasal sas-semi-finali tat-Tazza tad-Dinja u skorja fir-rebħa ta’ 2-1 kontra l-Marokk fil-play-off għat-tielet post.
