Manchester City qed jippreparaw offerta fis-sajf għall-midfielder ta’ Monaco, Aurelien Tchouameni.
Il-player ta’ 22 sena kien f’forma impressjonanti għall-club tiegħu tal-Ligue 1 matul l-istaġun 2021-22, fejn għamel 44 dehra fil-kompetizzjonijiet kollha, skorja tliet goals u pprovda żewġ assists fil-proċess.
Monaco x’aktarx isibuha diffiċli biex iżommu lill-internazzjonali Franċiż dan is-sajf, b’Manchester United, Chelsea, Paris Saint-Germain u Real Madrid kollha jingħad li huma interessati fis-servizzi tiegħu.
Man City huma wkoll ammiraturi kbar tal-midfielder, li jagħmluh il-mira numru wieħed tagħhom dan is-sajf biex jieħu post Fernandinho, li se jħalli lis-Citizens bi free transfer fi tmiem l-istaġun.
It-team immexxi minn Pep Guardiola jinsab kunfidenti li jirbaħ it-tellieqa għal Tchouameni minkejja li numru ta’ clubs oħra wkoll qed juru interess fih.
Il-midfielder fadallu biss ftit aktar minn sentejn fil-ftehim attwali tiegħu ma’ Monaco, u mhux maħsub li hu interessat li jiddiskuti estensjoni fil-kuntratt mat-team tal-Ligue 1.
L-aġent ta’ Tchouameni dan l-aħħar ċaħad li l-klijent tiegħu kien laħaq ftehim ma’ Real Madrid dwar ċaqliq fis-sajf fil-Bernabeu fost l-ispekulazzjonijiet riċenti.
