Manchester City huma lesti li jbigħu lid-difensur ċentrali, Aymeric Laporte, fis-suq tat-trasferimenti ta’ dan is-sajf.
Il-player ta’ 28 sena ilu membru importanti tal-iskwadra ta’ Pep Guardiola minn mindu ngħaqad magħhom mingħand Athletic Bilbao f’Jannar tal-2018, fejn lagħab 155 logħba fil-kompetizzjonijiet kollha.
Madankollu, huwa mifhum li ċ-champions tal-Premier League qed ifittxu li jġeddu l-iskwadra tal-ewwel team tagħhom u Laporte huwa player wieħed li huma lesti li jqiegħdu fil-lista tat-trasferimenti.
