Il-Kap Eżekuttiv ta’ Borussia Monchengladbach Max Eberl ta spinta kbira lil Manchester United fit-tfittxija tagħhom li jakkwistaw lil Denis Zakaria, li dan ix-xahar se jkun liberu li jħalli l-Borussia-Park.
Il-wirjiet tal-player ta’ 25 sena matul il-15-il dehra tiegħu fil-Bundesliga dan l-istaġun ġibdu l-attenzjoni ta’ ħafna clubs Ewropej ewlenin, fosthom Liverpool flimkien mar-Red Devils.
Zakaria jopera fi rwol difensiv f’nofs il-ground, żona tal-pitch li l-manager temporanju ta’ Manchester United, Ralf Rangnick, jingħad li hu ħerqan li jtejjeb f’din it-tieqa tat-trasferimenti ta’ nofs l-istaġun.
Il-kuntratt tal-internazzjonali Żvizzeru ma’ Gladbach mistenni jiskadi fi tmiem dan l-istaġun, u huwa maħsub li mhux lest jiffirma ftehim ġdid fost spekulazzjonijiet ta’ ċaqliq f’Old Trafford, u issa Eberl ikkonferma li Zakaria huwa liberu li jħalli l-club.
Zakaria ingħaqad ma’ Gladbach fl-2017 u kompla biex skorja 11-il goal f’144 dehra mal-club.
