Manchester United ħadu ‘passi konkreti’ biex jiffirmaw lill-midfielder ta’ Juventus, Adrien Rabiot, matul is-suq tat-trasferimenti ta’ dan is-sajf.
Ir-Red Devils se jiffirmaw mill-inqas midfielder ġdid wieħed fis-suq attwali, hekk kif kemm Paul Pogba kif ukoll Nemanja Matic se jkunu qed iħallu l-club bi free transfers fl-aħħar ta’ Ġunju.
Ir-Red Devils għadhom f’taħditiet ma’ Barcelona rigward Frenkie de Jong, iżda jista’ jasal ukoll it-tieni midfielder biex jagħti spinta lill-għażliet ta’ Erik ten Hag għall-istaġun li ġej.
