Manchester United huma determinati li jorbtu lill-playmaker Bruno Fernandes b’kuntratt ġdid f’Old Trafford.
L-ex player ta’ Sporting Lisbon ma kien xejn inqas minn sensazzjonali minn meta ngħaqad mar-Red Devils f’Jannar 2020, fejn skorja 43 goal u pprovda 25 assist fit-83 dehra għall-club fil-kompetizzjonijiet kollha.
Il-ftehim eżistenti ta’ Fernandes mar-Red Devils jiskadi fi tmiem l-istaġun 2024-25, iżda huwa rrappurtat li l-United iridu jippremjaw il-wirjiet tal-Portugiż b’kuntratt ġdid u attraenti.
Fernandes jista’ jkun konformi għal ftehim ġdid ta’ £300k fil-ġimgħa f’Old Trafford, b’Ole Gunnar Solskjaer jimmira li jagħmel lilu wieħed mill-aktar players li jaqilgħu flus fil-club flimkien ma’ Paul Pogba u David de Gea.
L-aġent ta’ Fernandes, Miguel Pinho, ried idaħħal klawsola ta’ release fi kwalunkwe ftehim ġdid għal Fernandes, għalkemm id-diriġenti ta’ Manchester United irrifjutaw malajr dik il-proposta.
Il-player ta’ 27 sena diġà skorja tliet fl-istaġun tal-Premier League 2021-22, li kollha ġew fil-partita kontra Leeds United fl-ewwel ġurnata.
